عربة السيدات .. مواقف وطرائف!!

حكايات عن الحب والخطوبة وحناقات في مترو الأنفاق
عربة السيدات .. مواقف وطرائف
ندي عزت
من منا لا يركب المترو .. بالتأكيد مفيش .. لأنه الوسيلة المتاحة والآمنة والأسرع .. حكايات المترو ومواقفه كثيرة، وأكثر المواقف التي تحدث ويتهافت الجميع لمعرفتها هو ما يحدث في عربات المترو المخصصة للسيدات، فالشباب ـ الأولاد ـ لا يحلو لهم الوقوف إلا أمامها، ولولا الغرامة لاخترقوا خصوصيتها .. «العاصمة» من جانبها هتوفر عليكم ثمن الغرامة وهتحكي لكم عن مواقف وحكايات سمعتها داخل عربات المترو.

البنت وخطيبها
جلست بجانب فتاتين وكانت إحداهن تحكي للأخري عن خطيبها ـ عقبال كل البنات ـ وكان الحديث مطولا مماد فعني فضولي للتركيز، فقالت الفتاة المخطوبة «أنا نزلت إمبارح عشان أجيبله هدية .. عارفة جبتله إيه .. جبت عليقة أي بتاعة الموبيل كده بس بتتحط في العربية عشان يفتكرني بيها وجبت معاها محفظة شكلها بناتي بس عادي، وعجبني الـ «box» حلو أوي، عليه قلب أحمر كبير سألت عليه قاللي بـ60 جنيهًا قلت لأ .. أوعي إيه أجيب box من الراجل اللي جنبنا وخلاص.

وأكملت: بس عارفة هو مش بياخد باله من موضوع الهدايا ده في حاجات كده لو منبهتوش عليها ميعملهاش .. انت عارفة أنا حتي كنت بلمح له إني عايزة خط جديد للموبايل لفترة طويلة وبرده مجبوش فرحت قلت له بعدما زهقت: أنت حتي مهنش عليك تجيبلي خط للموبايل اللي عمالة أقولك اني عايزاه .. بعدها جابه.

وفي العيد جالي هو ومامته .. مامته طيبة وبتحبني .. إدتني العيدية .. قولتلها شكرًا وحطتها علي الترابيزة .. لقيته جاء يسألني بعدها ـ هو انت تحبي العيدية تبقي فلوس ولا هدية، فقولتله اسمها عيدية تبقي إيه؟! .. ردت صاحبتها عليها وقالت: لا أكيد العيدية تبقي فلوس بس الهادايا حلوة برضه بس في مناسبات ثانية، وهذه هي الجملة الوحيدة التي قالتها صديقة البنت المخطوبة بجانب الإيماءات التي توحي لها بأنها تسمعها فقط .. لأن المخطوبة مبطلتش كلام.

لسة صغيرين
يحدث أحيانًا عندما تدخل البنات المترو ولا يجدن مكانًا ليستريحوا فيه فيجلسن علي الأرض بجانب المقاعد الرئيسية للمترو ولا يعلق علي ذلك أحد، ولكن الأسبوع الماضي دخلت سيدة من باب المترو فوجدت البنات جالسات علي الأرض فنظرت إليهن غاضبة وقالت: أنتم قاعدين كده ليه؟ .. انتما لسة صغيرين علي الكلام ده .. ماينفعش كده .. ولم يعلق أحد علي حديث هذه السيدة التي تري أنهن شباب ولا يجب ان يجلسن مثل هذا .. ولكن هذا لا يجب أن يجلسن مثل هذا، ولكن هذا لا يمنع تعرضهن للتعب والاجهاض من يوم دراسي طويل.